நியான்(NEON)
நுதல் சுனை கனியும்
அலர்களுக்கு
புத்தியென்பது
ப்ரியம்
பால்மடி நனவாய்
காம்பில் சுளை கேட்ட
உவப்பின்
புத்தியென்ன புதிது
துகள்களா புதிது
புத்தியென்றால்
புத்தனுமாவாய் அலரே
அலரும் புதிதே
கடலென் வெப்பமே
நுரை உய்ய உய்யடா உய்
000000000000000000000
இறை
இறகொன்றை விழியில் குத்தி பச்சையொழுக மட்டுகளில்
மீன் நீந்த நீர்ப்பிடியுள் திட்டைகளென கலைவது நிலம்
நகரும் இறகின் ரேகையென்பது ஆழ்மடை அலையிசைய
இசைக்கும் இலைக்காலம்
நிரம்புவதோ
வைகறை நிறம்
நிறைவதோர்
வலசை வயம்
வால்களில் வகையிருக்கு
இறகினை பிடித்திடாதே
குமிழியில் இன்னமும்
சிறகுதிர்கும் எழுத்தே
நினையாழமறியாச் செதிலில்
மின்னவே பிறக்கின்றாய்
டோனி ப்ரஸ்லர்- இந்தியா
2 thoughts on “நியான்(NEON)-கவிதை-டோனி ப்ரஸ்லர்( அறிமுகம் )”
Congrats. achieve your aim. god bless you.
உங்கள் கருத்தை தமிழில் எழுதினால் இன்னும் சிறப்பு